അവന്‍ പിശാചിനാല്‍ പരീക്ഷിക്കപ്പെട്ട് നാല്‍പതു ദിവസം അവിടെ കഴിഞ്ഞുകൂടി. ആദിവസങ്ങളില്‍ അവന്‍ ഒന്നും ഭക്ഷിച്ചില്ല. അവസാനം അവനു വിശന്നു.

ലൂക്കാ 4:2

യേശു പരിശുദ്ധാത്മാവു നിറഞ്ഞവനായി ജോര്‍ദാനില്‍ നിന്നു മടങ്ങി. ആത്മാവ് അവനെ മരുഭൂമിയിലേക്കു നയിച്ചു.

ലൂക്കാ 4:1

കൈനാന്‍ ഏനോസിന്‍റെയും ഏനോസ് സേത്തിന്‍റെയും സേത്ത് ആദാമിന്‍റെയും പുത്രനായിരുന്നു. ആദം ദൈവത്തിന്‍റെതുമായിരുന്നു.

ലൂക്കാ 3:38

ലാമെക്ക് മെത്തുസേലഹിന്‍റെയും മെത്തുസേലഹ് ഹെനോക്കിന്‍റെയും ഹെനോക്ക്യാരെദിന്‍റെയുംയാരെദ് മഹലലേലിന്‍റെയും മഹലലേല്‍കൈനാന്‍റെയും പുത്രന്‍.

ലൂക്കാ 3:37

ഷേലാ കൈനാന്‍റെയും കൈനാന്‍ അര്‍ഫക്സാദിന്‍റെയും അര്‍ഫക്സാദ് ഷേമിന്‍റെയും ഷേം നോഹയുടെയും നോഹ ലാമെക്കിന്‍റെയും പുത്രന്‍.

ലൂക്കാ 3:36

പഴയ നിയമം

സഖറിയാ

അധ്യായങ്ങള്‍: ആമുഖം 1 2 3 4 5 6 7 8 9 10 11 12 13 14

സഖറിയാ4

വിളക്കുതണ്ട്

1 എന്നോടു സംസാരിച്ച ദൂതന്‍ വീണ്ടും വന്ന് എന്നെ ഉറക്കത്തില്‍നിന്നെന്നപോലെ ഉണര്‍ത്തി, ചോദിച്ചു:2 നീ എന്തു കാണുന്നു? ഞാന്‍ പറഞ്ഞു: പൊന്നുകൊണ്ടുള്ള ഒരു വിളക്കുതണ്ടിന്‍റെ മുകളില്‍ ഒരു കോപ്പയും അതില്‍ ഏഴു ദീപങ്ങളും. ഓരോന്നിനും മുകളില്‍ ഏഴു ദലങ്ങള്‍.3 കോപ്പയുടെ വലത്തും ഇടത്തും ഓരോ ഒലിവുവൃക്ഷം.4 എന്നോടു സംസാരിച്ച ദൂതനോടു ഞാന്‍ ചോദിച്ചു: പ്രഭോ, എന്താണിത്?5 ദൂതന്‍ പറഞ്ഞു: ഇത് എന്താണെന്ന് നിനക്കറിഞ്ഞുകൂടേ? ഇല്ല, പ്രഭോ ഞാന്‍ പറഞ്ഞു.6 അവന്‍ എന്നോടു പറഞ്ഞു: കര്‍ത്താവ് സെറുബാബേലിനോട് അരുളിച്ചെയ്യുന്നു: സൈന്യബലത്താലല്ല, കരബലത്താലുമല്ല, എന്‍റെ ആത്മാവിനാലാണ് സൈന്യങ്ങളുടെ കര്‍ത്താവ് അരുളിച്ചെയ്യുന്നു.7 മഹാപര്‍വതമേ, നീ എന്താണ്? സെറുബാബേലിന്‍റെ മുന്‍പില്‍ നീ സമതലമാകും. അവസാനത്തെ കല്ലു വച്ചുകഴിയുമ്പോള്‍ ജനം, എത്ര മനോഹരം എന്ന് ആര്‍പ്പുവിളിക്കും.8 കര്‍ത്താവു വീണ്ടും എന്നോട് അരുളിച്ചെയ്തു:9 സെറുബാബേലിന്‍റെ കരം ഈ ആലയത്തിന് അടിസ്ഥാനമിട്ടിരിക്കുന്നു; അവന്‍ ഇതു പൂര്‍ത്തിയാക്കുകയുംചെയ്യും. സൈന്യങ്ങളുടെ കര്‍ത്താവ് എന്നെ അയച്ചിരിക്കുന്നു എന്ന് അപ്പോള്‍ നീ അറിയും.10 ചെറിയ കാര്യങ്ങളുടെ ദിവസത്തെനിസ്സാരമാക്കിയവര്‍ ആഹ്ലാദിക്കും. സെറുബാബേലിന്‍റെ കൈയിലെ തൂക്കുകട്ട അവര്‍ കാണും. ഈ ഏഴെണ്ണം ഭൂമി മുഴുവന്‍ പരിശോധിക്കുന്ന കര്‍ത്താ വിന്‍റെ ഏഴു കണ്ണുകളാണ്.11 ഞാന്‍ അവനോടു ചോദിച്ചു: വിളക്കു തണ്ടിന് ഇടത്തും വലത്തും ഉള്ള രണ്ട് ഒലിവുമരങ്ങള്‍ എന്താണ്?12 ഞാന്‍ വീണ്ടും ചോദിച്ചു: എണ്ണ പക രുന്ന പൊന്‍കുഴലിന്‍റെ സമീപമുള്ള ഒലിവു ശാഖകള്‍ എന്താണ്?13 അവന്‍ പറഞ്ഞു: ഇത് എന്താണെന്ന് നിനക്കറിഞ്ഞുകൂടെ? ഇല്ല, പ്രഭോ, ഞാന്‍ പറഞ്ഞു.14 അവന്‍ പറഞ്ഞു: ഭൂമി മുഴുവന്‍റെയും കര്‍ത്താവിനു ശുശ്രൂഷ ചെയ്യുന്ന രണ്ട് അഭിഷിക്തരാണ് അത്.