അന്നു പര്വതങ്ങളില്നിന്നു മധുരവീഞ്ഞ് ഇറ്റുവീഴും; കുന്നുകളില് നിന്നു പാല് ഒഴുകും. യൂദായിലെ അരുവികളില് ജലം നിറയും. കര്ത്താവിന്റെ ആലയത്തില്നിന്ന് ഒരു നീരുറവ പുറപ്പെട്ട് ഷിത്തിം താഴ്വരയെ നനയ്ക്കും.
ജോയേല് 3:18
എന്റെ വിശുദ്ധപര്വതമായ സീയോനില് വസിക്കുന്ന, നിങ്ങളുടെ ദൈവമായ കര്ത്താവാണു ഞാന് എന്നു നിങ്ങള് അറിയും. ജറുസലെം വിശുദ്ധമായിരിക്കും. അന്യര് ഇനി ഒരിക്കലും അതിലൂടെ കടന്നുപോവുകയില്ല.
ജോയേല് 3:17
കര്ത്താവ് സീയോനില് നിന്നു ഗര്ജിക്കുന്നു; ജറുസലെമില് നിന്ന് അവിടുത്തെ ശബ്ദം മുഴങ്ങുന്നു; ആകാശവും ഭൂമിയും പ്രകമ്പനം കൊള്ളുന്നു. എന്നാല്, കര്ത്താവ് തന്റെ ജനത്തിന് അഭയമാണ്; ഇസ്രായേല് ജനത്തിനു ശക്തിദുര്ഗം.
ജോയേല് 3:16
