യേശു പറഞ്ഞു: സത്യമായി ഞാന് നിങ്ങളോടു പറയുന്നു, നിങ്ങള് വിശ്വസിക്കുകയും സംശയിക്കാതിരിക്കുകയും ചെയ്താല് അത്തിവൃക്ഷത്തോടു ഞാന് ചെയ്തതു മാത്രമല്ല നിങ്ങള്ക്കു ചെയ്യാന് കഴിയുക; ഈ മലയോട് ഇവിടെനിന്നു മാറി കടലില്ചെന്നു വീഴുക എന്നു...
1 സൈന്യങ്ങളുടെ കര്ത്താവ് അരുളിച്ചെയ്യുന്നു: ചൂളപോലെ കത്തുന്ന ദിനം ഇതാ, വരുന്നു. അന്ന് അഹങ്കാരികളും ദുഷ്ടന്മാരും വയ്ക്കോല് പോലെയാകും. ആദിനം അവരെ വേരും ശാഖയും അവശേഷിക്കാത്ത വിധം ദഹിപ്പിച്ചുകളയും.2 എന്നാല്, എന്റെ നാമത്തെ ഭയപ്പെടുന്ന നിങ്ങള്ക്കുവേണ്ടി നീതിസൂര്യന് ഉദിക്കും. അതിന്റെ ചിറകുകളില് സൗഖ്യമുണ്ട്. തൊഴുത്തില്നിന്നു വരുന്ന പശുക്കുട്ടിയെന്നപോലെ നിങ്ങള് തുള്ളിച്ചാടും.3 സൈന്യങ്ങളുടെ കര്ത്താവ് അരുളിച്ചെയ്യുന്നു: ഞാന് പ്രവര്ത്തിക്കുന്ന ദിവസം ദുഷ്ടന്മാരെ നിങ്ങള് ചവിട്ടിത്താഴ്ത്തും. അവര് നിങ്ങളുടെ കാല്ക്കീഴില് ചാരംപോലെ ആയിരിക്കും.4 എന്റെ ദാസനായ മോശയുടെ നിയമങ്ങള്, എല്ലാ ഇസ്രായേല്ക്കാര്ക്കുംവേണ്ടി ഹോറബില്വച്ച് ഞാന് അവനു നല്കിയ കല്പനകളും ചട്ടങ്ങളും, അനുസ്മരിക്കുവിന്.5 കര്ത്താവിന്റെ മഹത്തും ഭീതിജനകവുമായ ദിവസം വരുന്നതിനു മുന്പ് പ്രവാചകനായ ഏലിയായെ ഞാന് നിങ്ങളുടെ അടുത്തേക്ക് അയയ്ക്കും.6 ഞാന് വന്നു ദേശത്തെ ശാപം കൊണ്ടു നശിപ്പിക്കാതിരിക്കേണ്ടതിന് അവന് പിതാക്കന്മാരുടെ ഹൃദയം മക്കളിലേക്കും മക്കളുടെ ഹൃദയം പിതാക്കന്മാരിലേക്കും തിരിക്കും.
Copyright 2008. P.O.C.Designed and Maintained by Jesus Youth
