പഴയ നിയമം

ഏശയ്യാ

അധ്യായങ്ങള്‍: ആമുഖം 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

ഏശയ്യാ20

ഈജിപ്തിന് അടയാളം

1 അസ്സീറിയാരാജാവായ സാര്‍ഗോന്‍റെ കല്‍പനയനുസരിച്ച് സൈന്യാധിപന്‍ വന്നുയുദ്ധം ചെയ്ത് അഷ്ദോദ് കീഴടക്കിയ വര്‍ഷം2 കര്‍ത്താവ് ആമോസിന്‍റെ പുത്രനായ ഏശയ്യായോട് അരുളിച്ചെയ്തു: നിന്‍റെ അരയില്‍നിന്നു ചാക്കുവസ്ത്രവും നിന്‍റെ കാലില്‍നിന്നു ചെരിപ്പും അഴിച്ചുകളയുക. അവന്‍ അതനുസരിച്ച് നഗ്നനായും ചെരിപ്പിടാതെയും നടന്നു.3 കര്‍ത്താവ് അരുളിച്ചെയ്തു: എന്‍റെ ദാസനായ ഏശയ്യാ ഈജിപ്തിനും എത്യോപ്യായ്ക്കും അടയാളവും മുന്നറിയിപ്പുമായി മൂന്നുവര്‍ഷം നഗ്നനും നിഷ്പാദുകനുമായി നടന്നതുപോലെ4 അ സ്സീറിയാ രാജാവ് ഈജിപ്തുകാരെ അടിമകളും എത്യോപ്യാക്കാരെ പ്രവാസികളുമായി,യുവാക്കളെയും വൃദ്ധരെയും ഒന്നുപോലെ നഗ്നരും നിഷ്പാദുകരും പിന്‍ഭാഗം മറയ്ക്കാത്തവരുമായി, ഈജിപ്തിന്‍റെ അപമാനത്തിനുവേണ്ടി പിടിച്ചുകൊണ്ടുപോകും.5 അപ്പോള്‍ അവരുടെ പ്രത്യാശയായ എത്യോപ്യായും അവരുടെ അഭിമാനമായ ഈജിപ്തും നിമിത്തം അവര്‍ വിസ്മയിക്കുകയും സംഭ്രാന്തരാവുകയും ചെയ്യും.6 അന്നു തീരദേശവാസികള്‍ പറയും: അസ്സീറിയാരാജാവില്‍നിന്നു രക്ഷപെടാന്‍വേണ്ടി നാം പ്രതീക്ഷയോടെ ആരുടെ അടുത്തേക്ക് ഓടിച്ചെന്നോ അവര്‍ക്ക് ഇതാണു സംഭവിച്ചത്! പിന്നെ നാം എങ്ങനെ രക്ഷപെടും?