കര്ത്താവിനെ കാത്തിരിക്കുന്നവരേ, ദുര്ബലരാകാതെ ധൈര്യം അവലംബിക്കുവിന്.
സങ്കീര്ത്തനങ്ങള് 31:24
Testament
Book
പഴയ നിയമം
1 കോറിന്തോസ്
അധ്യായങ്ങള്:
ആമുഖം
1
2
3
4
5
6
7
8
9
10
11
12
13
14
15
16
1 കോറിന്തോസ്13
സ്നേഹം സര്വോത്കൃഷ്ടം
1 ഞാന് മനുഷ്യരുടെയും ദൈവദൂതന്മാരുടെയും ഭാഷകളില് സംസാരിച്ചാലും എനിക്കു സ്നേഹമില്ലെങ്കില് ഞാന് മുഴങ്ങുന്ന ചേങ്ങലയോ ചിലമ്പുന്ന കൈത്താളമോ ആണ്.
2 എനിക്കു പ്രവചനവരമുണ്ടായിരിക്കുകയും സകല രഹസ്യങ്ങളും ഞാന് ഗ്രഹിക്കുകയും ചെയ്താലും സകല വിജ്ഞാനവും മലകളെ മാറ്റാന്തക്കവിശ്വാസവും എനിക്കുണ്ടായാലും സ്നേഹമില്ലെങ്കില് ഞാന് ഒന്നുമല്ല.
3 ഞാന് എന്റെ സര്വസമ്പത്തും ദാനം ചെയ്താലും എന്റെ ശരീരം ദഹിപ്പിക്കാന് വിട്ടുകൊടുത്താലും സ്നേഹമില്ലെങ്കില് എനിക്ക് ഒരു പ്രയോജനവുമില്ല.
4 സ്നേഹം ദീര്ഘക്ഷമയും ദയയുമുള്ളതാണ്. സ്നേഹം അസൂയപ്പെടുന്നില്ല. ആത്മപ്രശംസ ചെയ്യുന്നില്ല, അഹങ്കരിക്കുന്നില്ല.
5 സ്നേഹം അനുചിതമായിപെരുമാറുന്നില്ല, സ്വാര്ഥം അന്വേഷിക്കുന്നില്ല, കോപിക്കുന്നില്ല, വിദ്വേഷം പുലര്ത്തുന്നില്ല.
6 അത് അനീതിയില് സന്തോഷിക്കുന്നില്ല, സത്യത്തില് ആഹ്ളാദം കൊള്ളുന്നു.
7 സ്നേഹം സക ലതും സഹിക്കുന്നു; സകലതും വിശ്വസിക്കുന്നു; സകലതും പ്രത്യാശിക്കുന്നു; സകലത്തെയും അതിജീവിക്കുന്നു.
8 സ്നേഹം ഒരിക്കലും അവസാനിക്കുന്നില്ല. പ്രവചനങ്ങള് കടന്നുപോകും; ഭാഷകള് ഇല്ലാതാകും; വിജ്ഞാനം തിരോഭവിക്കും.
9 നമ്മുടെ അറിവും പ്രവചനവും അപൂര്ണമാണ്.
10 പൂര്ണമായവ ഉദിക്കുമ്പോള് അപൂര്ണമായവ അസ്തമിക്കുന്നു.
11 ഞാന് ശിശുവായിരുന്നപ്പോള് ശിശുവിനെപ്പോലെ സംസാരിച്ചു; ശിശുവിനെപ്പോലെ ചിന്തിച്ചു; ശിശുവിനെപ്പോലെയുക്തിവിചാരം നടത്തി. എന്നാല്, പ്രായപൂര്ത്തിവന്നപ്പോള് ശിശുസഹജമായവ ഞാന് കൈവെടിഞ്ഞു.
12 ഇപ്പോള് നമ്മള് കണ്ണാടിയിലൂടെ അവ്യക്തമായി കാണുന്നു; അപ്പോഴാകട്ടെ മുഖാഭിമുഖം ദര്ശിക്കും. ഇപ്പോള് ഞാന് ഭാഗികമായി അറിയുന്നു; അപ്പോഴാകട്ടെ ദൈവം എന്നെ പൂര്ണമായി അറിയുന്നതുപോലെ ഞാനും പൂര്ണമായി അറിയും. വിശ്വാസം, പ്രത്യാശ, സ്നേഹം ഇവ മൂന്നും നിലനില്ക്കുന്ന
13 എന്നാല്, സ്നേഹമാണ് സര്വോത്കൃഷ്ടം.
Copyright 2008. P.O.C.
Designed and Maintained by
Jesus Youth
