ഗിലയാദ് എനിക്കുള്ളതാണ്; മനാസ്സെയും
എന്േറതാണ്; എഫ്രായിം എന്റെ പടത്തൊപ്പിയും യൂദാ എന്റെ ചെങ്കോലുമാണ്.
സങ്കീര്ത്തനങ്ങള് 108:8
മൊവാബ് എന്റെ ക്ഷാളനപാത്രം;
ഏദോമില് ഞാന് എന്റെ പാദുകം വയ്ക്കുന്നു;
ഫിലിസ്ത്യദേശത്തു ഞാന് ജയഭേരി മുഴക്കും.
സങ്കീര്ത്തനങ്ങള് 108:9
സുരക്ഷിതനഗരത്തിലേക്ക് ആരെന്നെ നയിക്കും?
ഏദോമിലേക്ക് ആരെന്നെ കൊണ്ടുപോകും?
സങ്കീര്ത്തനങ്ങള് 108:10
ദൈവമേ, അങ്ങു ഞങ്ങളെ പരിത്യജിച്ചില്ലേ?
ദൈവമേ, അങ്ങു ഞങ്ങളുടെസൈന്യത്തോടൊത്തു നീങ്ങുന്നില്ലല്ലോ?
സങ്കീര്ത്തനങ്ങള് 108:11
ശത്രുവിനെതിരേ ഞങ്ങളെ സഹായിക്കണമേ!
എന്തെന്നാല്, മനുഷ്യന്റെ സഹായം നിഷ്ഫലമാണ്.
സങ്കീര്ത്തനങ്ങള് 108:12
ദൈവം കൂടെയുണ്ടെങ്കില് ഞങ്ങള് ധീരമായി പൊരുതും; അവിടുന്നാണു ഞങ്ങളുടെ ശത്രുക്കളെ ചവിട്ടിമെതിക്കാന് പോകുന്നത്.
സങ്കീര്ത്തനങ്ങള് 108:13
ദൈവമേ, ഞാന് അങ്ങയെ സ്തുതിക്കുന്നു;
അവിടുന്നു മൗനമായിരിക്കരുതേ!
സങ്കീര്ത്തനങ്ങള് 109:1
